ԵՐԵՎԱՆ, 21 մարտի – Sputnik. Հայաստանի հավաքականի նախկին ավագ, Միլանի «Ինտերի» կիսապաշտպան Հենրիխ Մխիթարյանը մտադիր չէ մարզական կարիերան ավարտելուց հետո մարզիչ դառնալ: Տեղեկությունը նա հայտնել է YouTube-ի FROG TALKS ալիքի հաղորդման ժամանակ:
«Ես ֆուտբոլային մարզիչ դառնալու ցանկություն չունեմ։ Արդեն բավական ժամանակ եմ անցկացրել խաղադաշտում։ Մարզչական աշխատանքը շատ ավելի շատ ժամանակ է պահանջում, ինչպես նաև վերլուծություն, քննարկումներ ֆուտբոլիստների հետ։ Այնպես որ, ես դա չեմ ուզում: Գուցե մարզական տնօրեն»,-ասել է 35-ամյա կիսապաշտպանը։
Մխիթարյանի խոսքով՝ կարիերան ավարտելուց հետո նա կմնա Միլանում, մինչև որդին մեծանա և որոշի՝ ուզու՞մ է ֆուտբոլ խաղալ, թե՞ ոչ:
«Եթե նա ուզենա ֆուտբոլիստ դառնալ, ապա կմնանք Միլանում, իսկ եթե ոչ, ապա Հայաստան կվերադառնանք», - ասել է Հենրիխը:
Հենրիխ Մխիթարյանը նվաճեց Իտալիայի 2–րդ սուպերգավաթը և իր կարիերայի 23-րդ տիտղոսը
Հիշեցնենք, որ Հայաստանի հավաքականի նախկին ավագ Հենրիխ Մխիթարյանը 2022 թվականից խաղում է «ներաձուրիների» կազմում: Նրա պայմանագիրն ակումբի հետ երկարաձգվել է մինչև 2025 թվականը: