ԵՐԵՎԱՆ, 17 մարտի – Sputnik․ Հայաստանում Ռուսաստանի դեսպանատան տարածքում գտնվող թիվ 8026 ընտրատեղամասում ժամը 14:00-ի դրությամբ քվեարկել է 1363 ՌԴ քաղաքացի: Տեղեկությունը հայտնում է Ռուսաստանի դեսպանատան Տելեգրամ-ալիքը։
Դեսպանատունը հիշեցնում է, որ քվեարկությունը կշարունակվի մինչև ժամը 20:00-ը:
Նշենք, որ Ռուսաստանում ընթացող նախագահական ընտրություններն աչքի են ընկնում Հայաստանի տարածքում մասնակցության շատ բարձր ցուցանիշով, քանի որ կարճ ժամանակով և երկարաժամկետ կացության համար հանրապետություն են ժամանել տասնյակ հազարավոր ՌԴ քաղաքացիներ: Կեսօրից հետո նրանց հերթն արդեն մեկ կիլոմետրից ավելի էր ձգվում։