ԵՐԵՎԱՆ, 13 փետրվարի – Sputnik. Հումորիստ և հեռուստահաղորդավար, ՌԽՖՍՀ ժողովրդական արտիստ Եվգենի Պետրոսյանը կրկին հայր է դարձել: Պետրոսյանի կինը՝ Տատյանա Բրուխունովան ընտանեկան լուսանկար է հրապարակել, որտեղ նա գրկել է նորածին դստերը։
«Իմ երջանիկ 35 տարիներն ու Վահանի 4–ամյակը»,–լուսանկարին կից գրել է Պետրոսյանի կինը։
Զույգի դստեր լուսանկարը սոցցանցային հետևորդների շրջանում աղմուկ է բարձրացրել, քանզի ո՛չ 78-ամյա երգիծաբանը, ո՛չ նրա կինը չէին ասել հղիության մասին։ Դատելով լուսանկարից՝ աղջիկը գրեթե մեկ ամսական է։ Տատյանան ցույց չի տվել երեխայի դեմքը։
Առայժմ հայտնի չէ, թե երեխան երբ է ծնվել և նրան ինչ անուն են տվել։
Նշենք, որ զույգի առաջնեկը` Վահանը, ծնվել է Դուբայում 2020 թվականի մարտի 13-ին։
Եվգենի Պետրոսյանն առաջին ամուսնությունից նաև մի դուստր ունի` Վիկտորյան, որը ծնվել է 1968 թվականին։