ԵՐԵՎԱՆ, 12 մարտի - Sputnik. 32 կողմ 2 դեմ ձայների հարաբերակցությամբ Երևանի ավագանին ընդունեց տրանսպորտի սակագնի մասին նախագիծը:
Ավագանու «Ազգային առաջընթաց» և «Մայր Հայաստան» խմբակցությունները չմասնակցեցին քվեարկությանը։
Հիշեցնենք, որ Երևանի հանրային տրանսպորտի ուղեվարձի նոր սակագները կգործեն սեպտեմբերի 1-ից։
Այսպիսով` 30 օրվա համար կգործի 8800 դրամ սակագինը, 90 օրվա համար 23600 դրամ, 365 օրվա համար 88000 դրամ։ բալորի դեպքում կլինի անսահմանափակ երթևեկելու հնարավորություն։
Ցանկացած փաթեթ ձեռք բերելու դեպքում քաղաքացիները կարող են օգտվել հասարակական տրանսպորտի բոլոր միջոցներից։
Նշենք նաև, որ տոմսը էլեկտրոնային եղանակով ձեռք բերելու դեպքում արժեքը կլինի ավելի ցածր, քան ֆիզիկական տոմի դեպքում:
Զեղչերը կգործեն ուսանողների, սոցիալապես անապահով կամ այլ հատուկ խմբերի համար։