ԵՐԵՎԱՆ, 8 մարտի – Sputnik. Ադրբեջանի պաշտպանության նախարարությունը և թուրքական BAYKAR ընկերությունը համագործակցության համաձայնագիր են ստորագրել։ Տեղեկությունը հայտնում են տեղական ԶԼՄ-ները:
Փաստաթուղթը նախատեսում է անօդաչու տեխնիկայի համատեղ հետազոտություն, կատարելագործում և արտադրություն:
Համաձայնագիրը ստորագրվել է Ադրբեջանի պաշտպանության նախարար Զաքիր Հասանովի` Թուրքիա կատարած այցի ընթացքում:
Հիշեցնենք` Ադրբեջանը 44-օրյա պատերազմի ընթացքում ակտիվորեն կիրառում էր թուրքական անօդաչու թռչող սարքեր։ Բաքուն պատերազմից հետո էլ շարունակում է թուրքական սպառազինություն գնել։