ԵՐԵՎԱՆ, 7 մարտի – Sputnik. ՀՀ պաշտպանության նախարար Սուրեն Պապիկյանը հանդիպել է Իրանի Իսլամական Հանրապետության նախագահ Էբրահիմ Ռայիսիի հետ։ Տեղեկությունը հայտնում է ՀՀ պաշտպանության նախարարության մամուլի ծառայությունը։
Սուրեն Պապիկյանի հանդիպումը Իրանի նախագահ Էբրահիմ Ռայիսիի հետ
© Photo : MoD of Armenia
Պապիկյանն ԻԻՀ–ում է պաշտոնական այցով։
«Հանդիպման ընթացքում քննարկվել են ՀՀ և ԻԻՀ միջև համագործակցությանը, այդ թվում` պաշտպանության ոլորտում համագործակցությանը վերաբերող հարցեր»,– ասված է հաղորդագրությունում։
Սուրեն Պապիկյանի հանդիպումը Իրանի նախագահ Էբրահիմ Ռայիսիի հետ
© Photo : MoD of Armenia
Կողմերը միմյանց ներկայացրել են տարածաշրջանային անվտանգությանն առնչվող հարցերի վերաբերյալ իրենց մոտեցումները։
Հիշեցնենք, որ ՀՀ պաշտպանության նախարար Սուրեն Պապիկյանի գլխավորած պատվիրակությունը Իրան է մեկնել մարտի 6-ին։ Նա այնտեղ հանդիպել է նաև ԻԻՀ պաշտպանության և զինված ուժերի աջակցման նախարար, բրիգադի գեներալ, դոկտոր Մոհամմադ Ռեզա Ղարաի Աշթիանիի, ապա Իրանի զինված ուժերի շտաբի պետ, գեներալ–մայոր Մոհամմադ Բաղերիի հետ։