Հանդիսավոր միջոցառում` նվիրված Վազգեն Սարգսյանի ծննդյան 65-ամյակին

ԵՐԵՎԱՆ, 5 մարտի – Sputnik. Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի է ունեցել հանդիսավոր միջոցառում` նվիրված Հայաստանի ազգային հերոս Վազգեն Սարգսյանի ծննդյան 65-ամյակին։ Տեղեկությունը հայտնում է ՀՀ ՊՆ մամուլի ծառայությունը։

Միջոցառման ընթացքում ելույթներ են ունեցել ՀՀ նախագահ Վահագն Խաչատուրյանը, պաշտպանության նախարար Սուրեն Պապիկյանը, Վազգեն Սարգսյանի եղբայր Արամ Սարգսյանը, Երկրապահ կամավորականների միության վարչության նախագահ Սասուն Միքայելյանը, Պատանի երկրապահ ակումբի սան Գրիգոր Օհանյանը։

Վազգեն Սարգսյանը ծնվել է 1959թ.–ի մարտի 5-ին Արարատի մարզի Արարատ գյուղում: 1990-1992թթ.–ին եղել է «Երկրապահ» կամավորական խմբերի հրամանատար, նաև` ՀՀ գերագույն խորհրդի պաշտպանության և ներքին գործերի մշտական հանձնաժողովի նախագահ:

Վազգեն Սարգսյանը ՀՀ առաջին պաշտպանության նախարարն էր 1992թ-1993թթ.–ին։ 1993-1995թթ.–ին` ՀՀ պետնախարար: 1995թ-1999թ–ին նա կրկին զբաղեցրել է ՀՀ պաշտպանության նախարարի պաշտոնը: 1999թ.–ի հունիսի 11-ից Վազգեն Սարգսյանը ՀՀ վարչապետն էր:

Սպանվել է 1999թ.–ի հոկտեմբերի 27-ին`խորհրդարանի շենք մուտք գործած մի խումբ զինված անձանց կողմից։