ԵՐԵՎԱՆ, 29 փետրվարի – Sputnik. ՀՀ–ում մարտի 1–ից 470 անուն դեղ կվաճառվի էլեկտրոնային դեղատոմսերով։ Որոշումն ընդունվեց ՀՀ կառավարության այսօրվա նիստի ժամանակ։
ՀՀ առողջապահության նախարարի տեղակալ Արտակ Ջումայանը նշեց, որ էլեկտրոնային դեղատոմսերում ներառվում են հակաբիոտիկային, հակասնկային, հակամիկրոբակտերային, հակավիրուսային դեղերը, իմունային շիճուկները, իմունոգլոբոլինները, պատվաստանյութերը և միզապրաստոլ պարունակող դեղերը։
«Այս որոշման արդյունքում կնազեն ինքնաբուժության դեպքերը, կտրամադրվի որակյալ, արդյունավետ ու նպատակային բժշկական օգնություն, բուժհիմնարկներում ավելորդ հերթեր չեն լինի։ Այսպիսով, հնարավոր կլինի վերահսկել ու կանոնակարգել նաև դեղի և բուժառուի հետագծելիությունը»,– ասաց փոխնախարարը։
Նա ավելացրեց, որ այս ծրագրի պիլոտային տարբերակը փուլ առ փուլ իրականացվել է 2022 թ հուլիսի 22–ից և ներառել 12 հիվանդության համար 75 անուն դեղ, իսկ վեց ամիս առաջ ընդգրկվել է նաև անվճար ու ատոնյալ պայմաններով դեղորայքը։
Այս նախագծով վաղվանից էլեկտրոնային դեղատոմսերով կվաճառվի 470 անուն դեղ, որից 375–ը անվճար և արտոնյալ պայմաններով դեղերն են։ Այսպիսով, էլեկտրոնային դեղատոմսերի համակարգում կներառվի ՀՀ–ում գրանցված դեղերի 20 տոկոսը։ ՀՀ–ում ընդհանուր առմամբ կա գրանցված 3 370 անուն դեղ։
2025 թ–իհունվարի 1–ից արդեն էլեկտրոնային տարբերակով կվաճառվի 2 566 անվանում դեղ։ Մնացածը դեղերը ազատ կվաճառվեն, քանի որ ներառված չեն պարտադիր դեղատոմսով դուրս գրելու ցանկում։