Պաշտոնյաներն ու պատգամավորները արդեն ամեն տարի լրացնում են հայտարարագրերը, ավարտվեց նաև իրավաբանական անձանց եկամուտների հայտարարագրման ժամկետը։ Եկամուտների հայտարարագրերը պետք է ներկայացվեին էլեկտրոնային հաշվետվությունների համակարգի միջոցով` վեբ տարբերակով կամ բջջային հավելվածով:
Սակայն պարզվեց` օնլայն հարթակը լավ չի աշխատում։ Սոցցանցային գրառումները, հատկապես հայտարարագրման վերջին օրը, հիմնականում հենց այդ մասին էին։ Խնդիրները համընդհանուր էին. ամենապարզը` հեռախոսահամարի կոդը կամ ծննդայն ամսաթիվը լրացնելու բարդությունից մինչև ներմուծված տվյալները համակարգում չպահպանվելը։ Շատերի նյարդերը տեղի են տվել ու գերադասել են այցելել ՊԵԿ, քան շարունակել տանջվել համակարգչի մոտ կամ հեռախոսը ձեռքին։
Խնդրին անդրադարձել էր նաև մեդիափորձագետ Արթուր Պապյանը։ Sputnik Արմենիան հետ զրույցում փորձագետը խնդիրների մի մասը պայմանավորել է համակարգի ծանրաբեռնվածությամբ, բայց և ոչ միայն։