Արմեն Գրիգորյանը երեկ հայտարարեց, որ Եվրամիության առաքելությունը մուտք չուներ այնտեղ, մուտք ունի և ներկա է միայն Ռուսաստանի Դաշնությունը։ «Ռուսաստանը չկարողացավ կասեցնել միջադեպը», - ասել է Արմեն Գրիգորյանը։ Անվտանգության Խորհրդի քարտուղարի խոսքով` Եվրամիության դիտորդները կայունացնող դեր են խաղում և Հայաստանը լիովին աջակցում է նրանց։
Ավելին` Հայաստանը պատրաստ է մաս կազմել ԵՄ քաղաքացիական առաքելությանը, որ չմնա միայն անվտանգություն սպառող երկիր։ Այն մասին, թե ինչպես են հեռադիտակով զինված դիտորդները կայունություն երաշխավորում և թե ինչպես Հայաստանը վերածվեց անվտանգություն սպառող երկրի, Sputnik Արմենիան զրուցել է քաղաքագետ Բենիամին Մաթևոսյանի հետ։