ԵՐԵՎԱՆ, 21 փետրվարի - Sputnik. ՀՀ կրթության, գիտության, մշակույթի և սպորտի նախարարությունը Լոռու մարզի Ամրակից գյուղում գտնվող ռուս ուղղափառ Սուրբ Նիկոլայ հրաշագործ եկեղեցու վերականգնման մրցույթ է հայտարարել:
Նախարարությունը նաև ցանկանում է վերանորոգել Լոռվա բերդի միջնաբերդը, վաղ բրոնզեդարյան կացարանները, միջնադարյան համալիրը և «Ագարակ» պատմամշակութային արգելոցի պաշտպանական պատը։
Դեռևս անցյալ տարի Հայաստանի կառավարությունը մոտ 430 հազար դոլար էր հատկացրել դրա վերականգնման համար։
Ամրակից գյուղում գտնվող Սուրբ Նիկոլայ հրաշագործի վանքը (նախահեղափոխական անվանումը՝ Նիկոլաևկա) հեղափոխությունից հետո դադարել է գործել։ Տաճարի պատերն ու տանիքը տուժել են նաև 1988 թվականի երկրաշարժից (այդ պատճառով այն ներկայում փակ է անվտանգության նկատառումներից ելնելով)։