ԵՐԵՎԱՆ, 20 փետրվարի - Sputnik. Սոֆիայիում ավարտվող ծանրամարտի Եվրոպայի առաջնությունում գերծանր քաշայիններ Վարազդատ Լալայանը երկամարտի 455 կգ արդյունքով նվաճեց չեմպիոնի, իսկ Սիմոն Մարտիրոսյանը 437 կգ արդյունքով՝ փոխչեմպիոնի կոչումը։
Պոկում վարժությունում ամենամեծ անակնկալն այն էր, որ մասնակցելուց հրաժարվեց Լաշա Տալախաձեն, որ հաղթողի հիմնական հավակնորդն էր։ Ամենայն հավանականությամբ, վրացի ծանրորդը վնասվածք ուներ։Սիմոն Մարտիրոսյանին հաջողվեց իրացնել միայն մեկ մոտեցում և բարձրացնելով 190կգ Մարտիրոսյանը՝ ի վերջո զբաղեցրեց երրորդ տեղը, իսկ Վարազդատ Լալայանը 205 կգ արդյունքով պոկում վարժությունում նվաճեց ոսկե փոքր մեդալը։
Հրում վարժության առաջին իսկ մոտեցումով՝ 240կգ, Լալայանը հայտ ներկայացրեց երկամարտում հաղթելու համար։ Մարտիրոսյանը մոտեցավ 241կգ-ին ու հստակ կատարեց վարժությունը։ Իսկ երկրորդ մոտեցումով Մարտիրոսյանը բարձրացնելով 247 կգ-ը՝ երկամարտում ապահովեց արծաթե մեդալը։ Լալայանը մոտեցավ 250 կգ կշռող ծանրաձողին ու բարձրացնելով այն՝ ապահովեց չեմպիոնի կոչումը։ Մրցումները եզրափակեց Սիմոն Մարտիրոսյանը, որը վերջին մոտեցման ժամանակ փորձեց բարձրացնել 255 կգ-ը, բայց չստացվեց։ Մեր դյուցազունները վաստակեցին ոսկին՝ Լալայանը, արծաթը՝ Մարտիրոսյանը։
Այսպիսով, ծանրամարտի Հայաստանի հավաքականը Սոֆիայում ավարտված Եվրոպայի առաջնությունում վաստակեց 26 մեդալ, որոնցից 11-ը՝ ոսկե, 7-ը՝ արծաթե և 8-ը՝ բրոնզե։