Օրեր առաջ Օհանավան գյուղի բնակիչ Մարատ Հայրապետյանը Քասախի կիրճում իր հողատարածքում հողային աշխատանքներ կատարելիս պատահաբար միջնադարյան ժայռափոր դամբարան էր հայտնաբերել։
Պատահաբար հայտնաբերված հուշարձանի մաին մասնագետներն առայժմ միայն ենթադրություններ են անում։ Մի մասը, դատելով խաչերի տեսքից, պնդում է՝ 5-7-րդ դարերի կառույց է, մյուսներն էլ՝ 12-13-րդ դարեր են մատնանշում։
Կրթության, գիտության, մշակույթի և սպորտի նախարարության որոշմամբ, դամբարանի տարածքում մասնագետներն այսօրվանից պեղումներ են իրականացնելու։ Դրանց ավարտին հնարավոր կլինի դամբարանի մասին ավելի կոնկրետ տվյալներ հայտնել։
«Դամբարանը կվկայագրվի, նորահայտ հուշարձանի կարգավիճակ կստանա»,- Sputnik Արմենիային ասել է ԿԳՄՍ նախարարության պատմության և մշակույթի հուշարձանների պահպանության վարչության պետ Հարություն Վանյանը։