Լոռու մարզում բախվել են Mercedes-ը, Opel-ը և «ԳԱԶ-53» բենզատարը․ սկսվել է բենզինի արտահոսք

ԵՐԵՎԱՆ, 17 փետրվարի – Sputnik. Խոշոր ավտովթար է այսօր տեղի ունեցել Լոռու մարզում, հայտնում է ՆԳՆ փրկարար ծառայությունը։ Վանաձոր-Սպիտակ ավտոճանապարհի 6-րդ կմ հատվածում բախվել են «Mercedes», «Opel» մակնիշի ավտոմեքենաներն ու բենզին տեղափոխող «ԳԱԶ-53» մակնիշի բենզատարը։

Լոռու մարզային փրկարարական վարչության ճգնաժամային կառավարման կենտրոն ահազանգը ստացվել է ժամը 13։44-ին։ Հայտնել են, որ Վանաձոր քաղաքի մուտքի մոտակայքում, տեղի է ունեցել ՃՏՊ, կա տուժած։

Դեպքի վայր մեկնած խումբը պարզել է, որ բախման հետևանքով բենզատարը կողաշրջվել է ու սկսվել է դիզվառելիքի արտահոսք։ Վթարի հետևանքով երթևեկությունը մասամբ դարձել էր միակողմանի։

«ԳԱԶ-53»-ի վարորդը տեղափոխվել հիվանդանոց, որտեղ բժիշկները տուժածի առողջական վիճակը գնահատել են բավարար։։ Մյուսների տեղում հետազոտել է դեպքի վայր ժամանած շտապօգնության խումբը։