ԵՐԵՎԱՆ, 17 փետրվարի - Sputnik. ՀՀ վարչապետ Նիկոլ Փաշինյանը Մյունխենում հանդիպել է ԵԱՀԿ գլխավոր քարտուղար Հելգա Շմիդտին ու նրա հետ մտքեր փոխանակել Հարավային Կովկասում տեղի ունեցող զարգացումների վերաբերյալ: Տեղեկությունը հայտնում է վարչապետի մամուլի ծառայությունը:
«Վարչապետն անդրադարձել է Հայաստանի և Ադրբեջանի միջև հարաբերությունների կարգավորման գործընթացում հայկական կողմի սկզբունքներին, այսօր Ադրբեջանի նախագահի հետ ունեցած բանակցությունների արդյունքներին»,- ասված է հաղորդագրությունում:
Զրուցակիցները կարևորել են խաղաղության և կայունության ապահովմանն ուղղված քայլերի շարունակականությունը:
Ավելի վաղ հայտնել էինք, որ Մյունպենում տեղի է ունեցել Նիկոլ Փաշինյան–Իլհամ Ալիև–Օլաֆ–Շոլց եռակողմ հանդիպումը։ Քննարկվել են խաղաղության համաձայնագրի հետ կապված հարցեր։
Եռակողմ հանդիպմանը հայկական կողմից մասնակցել են նաև ՀՀ ԱԳ նախարար Արարատ Միրզոյանը, Գերմանիայում ՀՀ դեսպան Վիկտոր Ենգիբարյանը, իսկ ադրբեջանական կողմից ԱԳ նախարար Ջեյհուն Բայրամովը և Ալիևի օգնական Հիքմեթ Հաջիևը։
Մինչ այդ Մյունխենում Փաշինյանը Հայաստան–Ադրբեջան հարաբերությունները քննարկել էր ԱՄն պետքարտուղար Էնթոնի Բլինկենի հետ։
Նշենք, որ Նիկոլ Փաշինյանի գլխավորած պատվիարկությունը Գերմանիա է մեկնել փետրվարի 16–ին Մյունխենի անվտանգության գագաթնաժողովին մասնակցելու համար։