ԵՐԵՎԱՆ, 8 փետրվարի - Sputnik. «Քաղաքացիական պայմանագիր» խմբակցության պատգամավոր Խաչատուր Սուքիասյանը կարծում է, որ Հայոց ցեղասպանության իրագործման մեջ հայ ժողովրդի մեղքն էլ կա, քանի որ չեն կարողացել կազմակերպվել ու պաշտպանվել։Այս մասին նա այսօր ասաց ԱԺ–ում լրագրողների հետ զրույցում։
«Աշխարհի ամենախայտառակ բանն է, որ մեր նման ժողովրդին կարողացել են այդ աստիճան կոտորել։ Սա պետք է մեզ դաս լինի, բայց ոչ թե դաս լինի, որ լացենք, այլ պետք է դաս լինի, որ մենք ուժեղանանք։ Ապագայում մեր սերունդները նման իրավիճակում չհայտնվեն»,– ասաց նա։
Խաչատուր Սուքիասյանը վստահեցնում է`կապ չունի, թե ով ինչ կճանաչի (նկատի ունի Ցեղասպանության միջազգային ճանաչումը)։ Ըստ նրա` այդ ամենը լոկ քաղաքական առևտուր է։
Պատգամավորի պնդմամբ` պետք է պետությունն այնքան ուժեղ լինի, որ ոչ մեկ այլևս չկարողանա այդպես վարվել մեզ հետ։