Ուժեղ բանակը ՀՀ ինքնիշխանության ապահովման երաշխավորն է. Վաղարշակ Հարությունյան

ԵՐԵՎԱՆ, 6 փետրվարի – Sputnik. Ուժեղ և մարտունակ բանակը Հայաստանի ինքնիշխանության, տարածքային ամբողջականության և անկախության ապահովման կարևորագույն գործոններից է: Այս մասին հայտարարել է ՌԴ-ում ՀՀ դեսպան Վաղարշակ Հարությունյանը ՀՀ զինված ուժերի կազմավորման 32-րդ տարեդարձի առթիվ դեսպանատանը կազմակերպված ընդունելության ժամանակ։

ՀՀ դիվանագիտական ներկայացուցչության ղեկավարը կարևորել է բանակում իրականացվող բարեփոխումները՝ հատկապես հաշվի առնելով տարածաշրջանում ստեղծված իրավիճակը:

Հարությունյանը նշել է նաև Ռուսաստանի դերը ՀՀ ԶՈւ ձևավորման գործում, ինչպես նաև անդրադարձել պաշտպանական ոլորտում հայ-ռուսական համագործակցությանը:

Ընդունելությանը ներկա էին ՌԴ ԱԳՆ և ՊՆ ներկայացուցիչներ, Ռուսաստանում հավատարմագրված օտարերկրյա պետությունների դեսպաններ, ռազմական կցորդներ, Հայ առաքելական եկեղեցու և համայնքի ներկայացուցիչներ: