Ավելի ուշ մամուլի ասուլիսի ժամանակ Վրաստանի նախագահ Իրակլի Ղարիբաշվիլին նկատել է, որ Հայաստանն ու Վրաստանը դե ֆակտո ռազմավարական գործընկերներ էին, սակայն այժմ այդ հարաբերություններն ամրագրվել են նաև փաստաթղթով։
Նիկոլ Փաշինյանն էլ իր հերթին ասել է, որ ռազմավարական գործընկերության համաձայնագրի ստորագրումը ձեռքբերում է և վերջին մի քանի տարիների համատեղ ջանքերի և աշխատանքի արդյունք, որն արտացոլում է երկու երկրների ընդհանրություններն ու նպատակասլացությունը։
Հայ-վրացական հարաբերությունների նոր՝ փաստացի ամրագրված կարգավիճակը մեկնաբանելով՝ վրացագետ Ջոնի Մելիքյանը կանխատեսել է․ «Այս հռչակագրով մոտ ապագայում զգալի առաջընթաց կարելի է ակնկալել հայ-վրացական հարաբերություններում»։