ԵՐԵՎԱՆ, 25 հունվարի - Sputnik. Երևանի ավագանու «Մայր Հայաստան» խմբակցության անդամ Նարինե Հայրապետյանը հեռացել է ՀՀ-ից՝ իր կյանքին սպառնացող վտանգի և ոստիկանական բռնաճնշումների պատճառով։ Այս մասին հայտնել է Armlur-ը։
«Ես չհասկացա, թե ովքեր էին ինձ իմ կամքին հակառակ իրենց հետ խոսելու տանողները և ինչ կապ ունեն ոստիկանական սպաների հետ։ Իսկ նրանք ոչ թե փորձում էին բացահայտում կատարել, այլ ինձ մեղադրում էին, անգամ նրանք ցուցմունք են գրել ու ստիպել են ստորագրել ինձ, ես որոշեցի լքել երկիրը»,– ասել է նա։
Նարինե Հայրապետյանն ասել է, որ քաղաքական ապաստան է խնդրել և մնալու է արտերկրում այնքան ժամանակ, մինչ հասկանա, որ իր կյանքին վտանգ չի սպառնում։
Հիշեցնենք, որ օրեր առաջ «Մայր Հայաստան» դաշինքը հայտարարություն էր տարածել` նշելով, որ Նարինե Հայրապետյանը ենթարկվել է առևանգման։ Այնուհետև` ՀՀ ՔԿ–ն քրեական վարույթ էր նախաձեռնել դեպքի կապակցությամբ