ԵՐԵՎԱՆ, 23 հունվարի – Sputnik. Գավառ-Երևան երթուղին սպասարկող «Գազել» մակնիշի մեքենան կողաշրջվել է, կան վիրավորներ։ Տեղեկությունը հայտնում է «Հրապարակը»։
Նշվում է, որ ՀՀ ՆԳՆ փրկարարները «Գազել» մակնիշի մեքենան Երևան-Սևան ավտոճանապարհին հայտնաբերել են կողաշրջված վիճակում։ Պարզվել է, որ ինքնավթար է տեղի ունեցել։ Մեքենան դուրս է եկել երթևեկելի գոտուց և կողաշրջվել։
Նախնական տվյալներով` «Գազելի» մեջ եղել է 14 ուղևոր, փրկարարները, կանչի վայր հասնելով, հայտնաբերել են 3 տուժածի և տեղափոխել բժշկական կենտրոն։
Հնարավոր այլ տուժածների վերաբերյալ տեղեկությունը ճշտվում է։