ԵՐԵՎԱՆ, 21 հունվարի – Sputnik. Astrophysical Journal-ում հրապարակված նոր ուսումնասիրությունը ցույց է տալիս, որ գալակտիկաների երկու չափազանց մեծ կլաստերներ բախվել են մեծ արագությամբ, երբ տիեզերքը երկու անգամ փոքր էր՝ կազմելով El Gordo զանգվածային կլաստեր: «Научная Россия» հարթակը գրում է, որ այս իրադարձությունը հակասում է ստանդարտ տիեզերաբանական մոդելին (ΛCDM)։
Ստանդարտ տիեզերաբանական մոդելի համաձայն՝ գալակտիկաները նախ ձևավորվում են և միայն դրանից հետո են միավորվում ավելի մեծ խմբերում։ Այլ կերպ ասած, պետք է շատ ժամանակ անցնի, որ կուտակումներ առաջանան։
Էլ Գորդոյի կուտակումը (իսպաներենից՝ «Չաղլիկ») բացառություն է։ Դա ամենամեծ հեռավոր կլաստերն է: Դրա զանգվածը, ըստ վերջին գնահատականների, մոտ 2000 տրիլիոն անգամ գերազանցում է արեգակնային զանգվածը: Նախկինում «Չաղլիկը» կշռում էր մոտ 3000 տրիլիոն արև: Այս ուսումնասիրության ընթացքում գիտնականներն օգտագործել են դրա զանգվածի վերջին գնահատումը, որը շատ ավելի ճշգրիտ է, քան նախորդ չափումները:
Եթե զանգվածի կրկնակի գնահատումից հետո Էլ Գորդոն տեղավորվում էր ավանդական տիեզերաբանական հայեցակարգի մեջ, ապա նոր աշխատանքը ցույց է տալիս, որ զանգվածն այս դեպքում հատուկ դեր չի խաղում: Այս դեպքում Էլ Գորդոն տեղավորվում է տիեզերական տեսության մեջ: Սիմուլյացիաները ցույց են տալիս, որ կլաստերը կարող է այնպիսի տեսք ունենալ, ինչպես այն դիտում են գիտնականները միայն այն պայմանով, որ բախումից առաջ երկու կլաստերները շատ արագ շարժվել են դեպի միմյանց, և դա արդեն հակասում է ΛCDM-ին:
Էլ Գորդոն կլաստերի բախման միակ դեպքը չէ, որը չի տեղավորվում ստանդարտ տեսության մեջ: «Փամփուշտ» կլաստերը գալակտիկաների երկու կլաստերների բարձր էներգիայի բախման ևս մեկ օրինակ է:
Կան նաև մի քանի ուսումնասիրություններ, որոնք հիմնված են «Ջեյմս Ուեբի» տվյալների վրա, որոնք ցույց են տալիս, որ առանձին գալակտիկաները, կարծես, շատ ավելի արագ են ձևավորվում, քան սպասվում էր:
«Ներկայումս կան բազմաթիվ ապացույցներ այն մասին, որ տիեզերքում կառուցվածքների ձևավորումը տեղի է ունեցել ավելի արագ, քան սպասվում էր ΛCDM-ում: Այժմ մենք ուսումնասիրում ենք այլ ապացույցները», - մամուլի հաղորդագրության մեջ մեջբերում են Չեխիայի Բոննի համալսարանի և Կարլի համալսարանի պրոֆեսոր Պավել Կրուպին: