Նոյեմբերից պատգամավորի մանդատ ստացած ԱԺ «Հայաստան» խմբակցության պատգամավոր Լևոն Քոչարյանը կընդգրկվի Ազգային ժողովի արտաքին հարաբերությունների մշտական հանձնաժողովում՝ փոխարինելով նույն խմբակցությունից Ասպրամ Կրպեյանին։ Իսկ Կրպեյանը կտեղափոխվի առողջապահության հանձնաժողով։
Բանն այն է, որ Լևոն Քոչարյանը մինչև այս պահը խորհրդարանական որևէ հանձնաժողովում ընդգրկված չէր, մինչդեռ ԱԺ Կանոնակարգ օրենքը պահանջում է, որ բոլոր պատգամավորներն անդամակցեն որեւէ մշտական հանձնաժողովի։
Մամուլի մեկնաբանությունների համաձայն, քանի որ Քոչարյանը ստացել է Արմեն Չարչյանի հրաժարականից հետո թափուր մնացած մանդատը, տրամաբանորեն պետք է զբաղեցներ նաև նրա տեղը Առողջապահության հարցերի հանձնաժողովում, բայց այդ հանձնաժողովը Լևոն Քոչարյանի հաար հարմար չի եղել, ուստի խմբակցությունում որոշել են փոխատեղումներ անել։
Այս տեղեկությունները մեկնաբանելու համար Sputnik Արմենիան դիմել է «Հայաստան» խմբակցության պատգամավոր Ագնեսա Խամոյանին։