ԵՐԵՎԱՆ, 12 հունվարի – Sputnik. ԱՄՆ–ն շարունակում է հավատալ, որ Երևանի և Բաքվի միջև ամուր խաղաղությունը հնարավոր է։ Այս մասին հայտնել է ԱՄՆ պետքարտուղարության գլխավոր փոխխոսնակ Վեդանտ Պատելը։
«Դա այն է, ինչի վրա գերատեսչությունը կշարունակի աշխատել։ Ակնհայտ է, որ համակարգող Լուիս Բոնոն (ԱՄՆ պետդեպարտամենտի ավագ օգնական), պետքարտուղարը և մյուսները շարունակում են ակտիվորեն զբաղվել այս խնդրով»,– ասել է Պատելը։
Հիշեցնենք, որ Լուիս Բոնոն վերջերս ժամանել էր Հայաստան և մի շարք հանդիպումներ ունեցել ՀՀ բարձրաստիճան պաշտոնյաների հետ։