ԵՐԵՎԱՆ, 9 հունվարի – Sputnik. Ուկրաինայում հակամարտությունը լուծելու միջնորդական ջանքերը ներառված են Անկարայի արտաքին քաղաքական նպատակների մեջ 2024 թվականին, և նա կառաջարկի վերսկսել Ստամբուլի բանակցային գործընթացը։ Այս մասին ՌԻԱ Նովոստիին հայտնել է Անկարայում դիվանագիտական աղբյուրը։
ՌԴ նախագահ Վլադիմիր Պուտինն ավելի վաղ հայտնել էր, որ Ստամբուլում բանակցությունների ընթացքում համաձայնեցվել են Ուկրաինայի ապառազմականացման հարցերը, իսկ այժմ հնարավոր է համաձայնության գալ կամ հարցը լուծել ուժով։
«Պարոն նախագահը (Ռեջեփ Էրդողանը - խմբ.) Ուկրաինայի նախագահ Վլադիմիր Զելենսկու հետ իր վերջին հեռախոսազրույցում կրկին նշել է Անկարայի պատրաստակամությունը։ Այդ ազդանշանները կողմերին կտրվեն տարեսկզբին»,- ասել է գործակալության զրուցակիցը։
Մոսկվան նախկինում բազմիցս հայտարարել է, որ պատրաստ է բանակցությունների, սակայն Կիևը օրենսդրական մակարդակով արգելք է դրել դրանց վրա։ Արևմուտքը Ռուսաստանին բանակցությունների կոչ է անում, ինչին Մոսկվան պատրաստակամություն է ցուցաբերում, բայց միևնույն ժամանակ Արևմուտքն անտեսում է երկխոսությունից Կիևի մշտական հրաժարումները։
Կրեմլից նշել էին, որ ներկայումս Ուկրաինայում իրավիճակի կայունացմանն անցնելու նախադրյալներ չկան, Ռուսաստանի համար բացարձակ առաջնահերթություն է հատուկ գործողության նպատակներին հասնելը, այս պահին դա հնարավոր է միայն ռազմական ճանապարհով։