ԵՐԵՎԱՆ, 7 հունվարի – Sputnik․ Բրյուսելը Մոլդովային զիջումներ չի անի ԵՄ-ին երկրի արագ անդամակցության համար։ ՌԻԱ Նովոստիի փոխանցմամբ՝ հայտարարել է Քիշնևում Եվրոպական պատվիրակության ղեկավար Յանիս Մաժեյքսը:
«Մոլդովայի և Ուկրաինայի արագացված ինտեգրումը ԵՄ-ին հնարավոր է, բայց եթե խոսելով ԵՄ-ին արագացված ինտեգրման մասին, նկատի ունեք, թե ոչ այնքան կարևոր չափանիշներ անտեսվելու են, ոչ․ նման արագացված տարբերակ չի կարող լինել։ Զիջումներ չեն լինելու»,- հայտարարել է Մաժեյքսը TV8 հեռուստաալիքի եթերում։
Նրա խոսքով՝ դեպի ԵՄ ճանապարհին Մոլդովայի և Ուկրաինայի առաջխաղացումը վերջին երկու տարում արդեն կարելի է արագացված անվանել: Դիվանագետը նշել է, որ թեկնածուի կարգավիճակի ստացումը և ԵՄ-ին անդամակցելու շուրջ բանակցությունների մեկնարկը տեղի է ունեցել ռեկորդային կարճ ժամանակահատվածում:
Հիշեցնենք, որ 2022 թվականի հունիսին ԵՄ-ն Ուկրաինային և Մոլդովային շնորհել է ԵՄ թեկնածու երկրների կարգավիճակ՝ մի քանի խիստ պայմաններ առաջադրելով անդամակցության շուրջ բանակցությունները պաշտոնապես սկսելու համար։ ԵՄ-ում բազմիցս խոստովանել են, որ նման որոշումը մեծամասամբ խորհրդանշական էր՝ նպատակ ունենալով աջակցել Կիևին և Քիշնևին Մոսկվայի հետ դիմակայության գործընթացում։ Ինքնին թեկնածու երկրի կարգավիճակը, ինչպես նաև բանակցությունների մեկնարկը դեռ չեն նշանակում երկրի պարտադիր անդամակցություն Եվրամիությանը։ Այդ քայլերը ևս ոչ մի բանի չեն պարտավորեցնում Բրյուսելին։
Թուրքիան թեկնածուի կարգավիճակում է 1999 թվականից, իսկ 2005 թվականից ԵՄ-ի հետ բանակցություններ է վարում անդամակցության շուրջ, Հյուսիսային Մակեդոնիան՝ 2005 թվականից, Մոնտենեգրոն՝ 2010 թվականից, իսկ Սերբիան՝ 2012 թվականից: Վերջինն այս պահին ԵՄ-ին անդամակցել է Խորվաթիան, դա տեղի է ունեցել 2013 թվականին, գործընթացը տևել է 10 տարի։