Հայ առաքելական եկեղեցին նշում է Սուրբ ծննդյան տոնը։ «Քրիստոս ծնավ և հայտնեցավ, մեզ և ձեզ մեծ ավետիս»․ այս բառերով են հայերը ողջունում մեկմեկու և Հիսուս Քրիստոսի Սուրբ ծնունդը շնորհավորում ճրագալույցից սկսած։
Տոնը մեկնարկել է ճրագալույցի պատարագով։ «Ճրագալույց» նշանակում է ճրագ, մոմ վառել՝ լուցանել, որը խորհրդանշում է աստվածային լույսը: Այս երեկո հավատավոր քրիստոնյաները եկեղեցուց իրենց հետ տուն են տանում վառած ճրագներ և մոմեր։ Այն խորհրդանշում է աստվածային լույսը, Աստծո օրհնությունը, բեթղեհեմյան աստղի լույսը, որը ցույց տվեց ճանապարհը դեպի մանուկ Հիսուս: