ԵՐԵՎԱՆ, 5 հունվարի – Sputnik․ Գեղասահորդուհի Ալյոնա Կոստորնայան զգեստները դիզայներ Ալյոնա Կուկլիչևային է վերադարձրել «Այ դու առնետ» գրությամբ փաթեթով։
Դեռևս հունվարի 3-ին դիզայներ Կուկլիչևան, որը գեղասահքի և գեղարվեստական մարմնամարզության կոստյումներ է ստեղծում, հայտարարել էր, որ մի շարք պատճառներով դադարեցրել է համագործակցությունը Կոստորնայայի հետ: ՌԻԱ Նովոստիի փոխանցմամբ՝ դիզայները հայտարարել էր, որ գեղասահորդուհին ատելիեին պարտք է 240 հազար ռուբլի, կոստյումների մի մասը և աքսեսուարներ։ Նրա խոսքով՝ Կոստորնայան նաև չի կատարել սոցիալական ցանցերում գովազդելու իր պարտավորությունները։ Գեղասահորդուհին Կուկլիչևայի հայտարարությունները որակել էր որպես «hype» անելու ցանկություն։
«Ես հիմա սահադաշտում եմ, եկել եմ իմ վատ կոստյումները վերցնելու։ Տեսեք, թե ինչ փաթեթ է: Տեսնում եք, թե ինչ տոպրակի մեջ է նա դրել դրանք: Ու դեռ կոպտել է ինձ, ասել է, որ ինքս վերցնեմ զգեստները: Այստեղ մեծ թվով հագուստ կա, բայց ինձ օգնեցին հանդերձապահները, ի դեպ, շատ բարեհամբույր էին: Կոստյումները ես նրան անձամբ էի տանում, անձամբ էլ վերցնում եմ»,- ասել է Կուկլիչևան սոցցանցերում հրապարակած տեսանյութում։
Նշենք, որ Կոստորնայան կանանց մենասահքի Եվրոպայի 2020 թվականի չեմպիոն է: Այս մրցաշրջանից նա զուգախաղում հանդես է գալիս ամուսնու՝ Գեորգի Կունիցայի հետ։ Կուկլիչևան որպես դիզայներ աշխատել է Կոստորնայայի հետ 2022 թվականի ամռանից։