Ամանորի գիշերը Հանրապետության հրապարակում օտարերկրացիների մեծ թիվը տարատեսակ մեկնաբանությունների առիթ է դարձել։ Համացանցում տեսանյութեր են տարածվում, որտեղ հնդիկները հանրապետության գլխավոր տոնածառի մոտ Նոր տարի են նշում, ուրախ երգում, պարում։
Ֆեյսբուքյան օգտատերերն այդ տեսանյութերին հիմնականում քննադատական մեկնաբանություններ են գրում։ Ոմանք էլ փորձում են բացատրել, որ դրանում ոչ մի վատ բան չկա, երբ մարդն ապրում, աշխատում կամ սովորում է քո երկրում ու տոնն էլ անցկացնում մայրաքաղաքի կենտրոնում` բոլորի համար նախատեսված միջոցառմանը մասնակցելով։
Աշխատանքային միգրանտների նկատմամբ հայաստանյան հասարակության մեջ ձևավորված տրամադրությունների շուրջ Sputnik Արմենիան խոսել է քաղաքագետ Արմեն Վարդանյանի հետ։