ԵՐԵՎԱՆ, 4 հունվարի – Sputnik. ՀՀ վարչապետ Նիկոլ Փաշինյանի գլխավորությամբ տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ։ Այս մասին հայտնում է ՔՊ կուսակցության մամուլի ծառայությունը։
Նշվում է, որ քննարկվել են գաղափարական բնույթի հարցեր։
«ՀՀ ԱԺ պատգամավորներ Էմմա Պալյանը և Թագուհի Ղազարյանը հանդես են եկել զեկույցներով և պատասխանել կուսակցականների հարցերին»,– ասված է հաղորդագրությունում։
Վարչապետ Նիկոլ Փաշինյանը ևս ելույթ է ունեցել։
Նշենք, որ միայն 2023–ի դեկտեմբերին Նիկոլ Փաշինյանն արդեն անցկացրել է «Քաղաքացիական պայմանագիր» կուսակցության 8 նիստ։ Դրանից բացի կուսակցությունը Գյումրիում 3-րդ քաղաքական ժողովն է անցկացրել դեկտեմբերի 16–ին։