Հնդկաստանը ոչ մի ռազմամթերք չի ուղարկել Ուկրաինա. ԱԳՆ

ԵՐԵՎԱՆ, 4 հունվարի – Sputnik. Հնդկաստանը ոչ մի հրետանային արկ չի ուղարկել Ուկրաինա։ Ճեպազրույցի ժամանակ այս հայտարարությունն է արել Հնդկաստանի ԱԳՆ պաշտոնական ներկայացուցիչ Ռանդհիր Ջայսվալը։ Նրա խոսքը մեջբերում է ՌԻԱ Նովոստին։

«Մենք տեսել ենք լրատվամիջոցների որոշ հաղորդագրություններ։ Հայտարարում ենք, որ մենք այդ հրետանային զինամթերքից ոչ մեկը չենք ուղարկել Ուկրաինա։ Չի արտահանվել և չի ուղարկվել», - ընդգծել է նա։

Ավելի վաղ մի շարք լրատվամիջոցներ, հղում անելով ուկրաինացի զինվորականների հրապարակած տեսանյութերին, հայտնել էին, որ Ուկրաինան, ըստ երևույթին, հնդկական 155 մմ հրետանային արկերի հասանելիություն է ստացել։ Նշենք, որ դրանք համատեղելի են Լեհաստանի կողմից Ուկրաինա մատակարարվող AHS Krab ինքնագնաց հաուբիցների հետ: