ԵՐԵՎԱՆ, 31 դեկտեմբերի – Sputnik. Որքան Կիևն ավելի շատ սպառնալիքներ ստեղծի, այնքան ավելի կոշտ կգործի Ռուսաստանը։ Այս մասին հայտարարել է ՄԱԿ–ի ԱԽ–ի նիստում ՌԴ մշտական ներկայացուցիչ Վասիլի Նեբենզյան։
«Մեր ռազմական հատուկ գործողության խնդիրներից մեկը ՌԴ–ի շրջաններին, այդ թվում ՌՀԳ–ից հետո ՌԴ–ի կազմը մտած շրջաններին սահմանակից տարածքներից բխող սպառնալիքների վերացումն է։ Որքան ավելի շատ մեզ համար ստեղծեն այդ սպառնալիքները, այնքան կոշտ կգործենք մենք։ Կարծում եմ, բոլորին դա պետք է հասկանալի լինի», – ասել է Նեբենզյան։
Ուկրաինայի ԶՈւ–ի հարվածը նա անվանել է կանխամտածված և համակցված, դա ահաբեկչության ակտ է։
ՌԴ մշտական ներկայացուցիչը հայտարարել է, որ խաղաղ քաղաքների գնդակոծումը վկայում է Զելենսկու ռեժիմի հոգեվարքի մասին, Բելգորոդում իրականացրած ահաբեկչության բոլոր կազմակերպիչներն ու կատարողները պատիժ կկրեն։
Միևնույն ժամանակ Նեբենզյան տարակուսում է միջադեպի վերաբերյալ ՄԱԿ–ի գլխավոր քարտուղարի լռությունից։
Ավելի վաղ Մոսկվան պահանջել էր, որ ՄԱԿ–ի ԱԽ–ի նիստին մասնակցի Չեխիայի մշտական ներկայացուցիչը, որպեսզի պարզաբանում տա Կիևին մատակարարվող զենքի վերաբերյալ, սակայն Պրահայի ներկայացուցիչը չի մասնակցել նիստին։
ԱԻՆ վերջին տվյալների համաձայն, Բելգորոդում զոհվածների թիվը հասել է 22-ի։
Քրեական գործ է հարուցվել «մարդասպանություն», «սպանություն», «գույքի դիտավորյալ ոչնչացում/վնասում» հոդվածներով։