Ադրբեջանը Ֆրանսիային հրավիրել է մասնակցելու իր երկրում բացահայտված գործակալական ցանցի գործունեության հետաքննությանը, բայց ֆրանսիական կողից պատասխան չի ստացել: Ասել է Ադրբեջանի ԱԳ նախարար Ջեյհուն Բայրամովը։
Նրա խոսքով, Ֆրանսիական կողմին ներկայացվել են առկա փաստերը, վկայություններն ու ապացույցները։ Ավելի վաղ արտաքսել էր իր երկրում աշխատող ֆրանսիացի 2 դիվանագետների և բողոքի նոտա հանձնել Ադրբեջանում Ֆրանսիայի դեսպանին։
Ադրբեջանի իշխանությունը դեսպանատան աշխատակիցների գործողությունները համարում է անհամատեղելի իրենց դիվանագիտական կարգավիճակի հետ: Նրանց 48 ժամ են տվել Ադրբեջանը լքելու համար։