«Նուբարաշեն» ՔԿՀ բերված կարտոֆիլի խյուսի հանձնուքում թմրամիջոց է հայտնաբերվել

«Նուբարաշեն» ՔԿՀ բերված կարտոֆիլի խյուսի հանձնուքում թմրամիջոց է հայտնաբերվել
Նույն օրը ևս մեկ դեպք է կանխվել` կալանավորված անձի մոտ եկած քաղաքացու գուլպայի մեջ հայտնաբերվել են թմրամիջոց և հաբեր։
Sputnik
ԵՐԵՎԱՆ, 27 դեկտեմբերի – Sputnik. «Նուբարաշեն» ՔԿՀ–ում ծառայողները կանխել են թմրամիջոցների նմանվող զանգվածների և դեղահաբերի ներթափանցման 2 դեպք։ Տեղեկությունը հայտնում է ՀՀ քրեակատարողական ծառայությունը։
«Նուբարաշեն» ՔԿՀ ծառայողները դեկտեմբերի 25-ին՝ ժամը 12։00-ին, զննության են ենթարկել կալանավորված անձ Դ․Ք․-ի անվամբ քաղաքացի Ս․Խ․-ի կողմից բերված հանձնուքը։ Այնտեղ կարտոֆիլի խյուսի մեջ հայտնաբերել են թմրամիջոցի նմանվող, բյուրեղանման զանգվածներ։ Ավելի ուշ՝ ժամը 13։00-ի սահմաններում, նույն բաժնի ծառայողները խուզարկության են ենթարկել կալանավորված անձ Ա․Ս․-ի մոտ կարճատև տեսակցության եկած քաղաքացի Ա․Յ․-ին»,– ասված է հաղորդագրություններում։
Արդյունքում՝ վերջինիս գուլպայի միջից հայտնաբերվել է ռետինե փաթեթ, որում առկա են եղել AN627 գրառմամբ 77 հատ սպիտակ, ամբողջական դեղահաբ, նույն դեղահաբի կտորներ, ինչպես նաև՝ 1,6 գրամ ընդհանուր քաշով, թմրամիջոցի նմանվող, բաց դարչնագույն փոշեզանգված։
«Նուբարաշեն» ՔԿՀ ծառայողները ձերբակալել են քաղաքացիներին և հայտնաբերվածների հետ միասին ներկայացրել ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժին։
ՔԿՀ–ում ծառայողները կանխել են թմրամիջոցների նմանվող զանգվածների և դեղահաբերի ներթափանցման 2 դեպք
ՔԿՀ–ում ծառայողները կանխել են թմրամիջոցների նմանվող զանգվածների և դեղահաբերի ներթափանցման 2 դեպք