ԵՐԵՎԱՆ, 26 դեկտեմբերի – Sputnik. Ռուսաստանի նախագահ Վլադիմիր Պուտինը նշել է պատմության կեղծման և նացիզմի դեմ պայքարի հարցերում ԱՊՀ երկրների համագործակցության կարևորությունը։
«Համագործակցության մասնակիցների ամենասերտ համագործակցությունը նախկինի պես պահանջված է, հատկապես պատմության կեղծման և նացիզմի հերոսացման փորձերի դեմ պայքարի հարցերում», – ասել է Պուտինը ԱՊՀ երկրների առաջնորդների ոչ պաշտոնական հանդիպումը բացելիս։
Նրա խոսքով` այդ իսկ պատճառով պետք է շարունակել անցկացնել Հայրենական մեծ պատերազմի տարիներին ընկածների հիշատակի ակցիաները, ինչպիսիք են` «Անմահ գունդը», «Գեորգիևյան ժապավենն» ու «Հիշատակի գնացքը»։
ՌԴ նախագահը նշել է, որ ԱՊՀ երկրների և ժողովուրդների միջև կապի պատմական համատեքստի մասին նա նախատեսում է խոսել իր հյուրերի հետ ավելի ուշ` ոչ պաշտոնական միջավայրում։
Պուտինը ԱՊՀ երկրների առաջնորդներին հրավիրել է նաև Ապագայի նորարար խաղերի բացմանը, որոնք կանցկացվեն Կազանում 2024 թվականին։ Եվս մեկ մեծ միջազգային միջոցառում կդառնա Սոչիում 2024 թվականի մարտի 1-7-ը կայանալիք երիտասարդության և ուսանողների փառատոնը։