ԵՐԵՎԱՆ, 25 դեկտեմբերի – Sputnik. Բքի պատճառով արտակարգ իրավիճակ է Սյունքի մարզից Վայոց Ձորի մարզ տանող ճանապարհին։ Ժամանակավորապես դադարեցվել է Ջերմուկի խաչմերուկից դեպի Վայոց Ձոր երթևեկությունը: Հարյուրավոր մեքենաներ հայտնվել են խցանման մեջ։ Տեղեկությունը Sputnik Արմենիային հայտնեց ՆԳՆ ոստիկանության մամուլի խոսնակ Նարեկ Սարգսյանը։
Նրա խոսքով ` տեղում աշխատում են փրկարարները և պարեկները։ Նրանք խցանման մեջ մնացած մարդկանց տաք հեղուկներ են բաժանում։
«Դեպքի վայրում գտնվող փրկարարները ոստիկանների հետ փորձում են բացել ճանապարհը»,–ասաց Սարգսյանը։
Նշենք, որ ճանապարհները պատվել են մերկասառույցով։