ԵՐԵՎԱՆ,19 դեկտեմբերի - Sputnik. Ռուսաստանի զինված ուժերի թվաքանակը արտաքին սպառնալիքների պատճառով կհասցվի 1,5 միլիոնի։ Այս մասին հայտարարել է ՌԴ պաշտպանության նախարար Սերգեյ Շոյգուն պաշտպանության նախարարության կոլեգիայի ընդլայնված նիստում։
Նրա խոսքով՝ 2024 թվականին հատուկ ռազմական գործողությունը կշարունակվի մինչև գերագույն գլխավոր հրամանատարի կողմից դրված խնդիրների ամբողջական կատարումը:
Խոսելով հատուկ ռազմական գործողության ընթացքի մասին՝ Շոյգուն ընդգծել է, որ ՌԴ ԶՈւ-ն 5 անգամ ավելի շատ տարածք է ազատագրել, քան մտնում էր ԴԺՀ-ի և ԼԺՀ-ի մեջ մինչև դրա սկիզբը։
«Նոր շրջաններ են վերադարձել գրեթե 3,5 մլն փախստականներ, որոնք 2014 թվականից ի վեր չէին տեսել իրենց հարազատներին»,-ասել է նախարարը:
Հատուկ գործողության ընթացքում ոչնչացվել է ավելի քան 5,8 հազար վարձկան-գրոհային, այդ թվում՝ 1427-ը Լեհաստանից, 466-ը՝ ԱՄՆ-ից, 344-ը՝ Մեծ Բրիտանիայից։
Ուկրաինան, Շոյգուի խոսքով, ստացել է 203 մլրդ դոլար, ընդ որում այդ միջոցների մեծ մասը վարկ է։ Բացի այդ, Արևմուտքը Կիևին մատակարարել է 5220 տանկ, ՀՄՄ և զրահափոխադրիչ, 28 ինքնաթիռ, 87 ուղղաթիռ, 23 հազար ԱԹՍ, ավելի քան 1300 հրետանային համակարգ։
Ուկրաինան հունիսի 4-ին սկսված հակահարձակման ընթացքում կորցրել է 159 հազար զինծառայող, 121 ինքնաթիռ, 766 տանկ, այդ թվում՝ 37 Leopard տանկ։