ԵՐԵՎԱՆ,18 դեկտեմբերի – Sputnik. Հայաստանում երկար տարիներ գործող սոցիալական ապահովության համակարգը բացարձակապես չի համապատասխանում ժամանակակից պահանջներին։ Այս մասին հայտարարեց ՀՀ վարչապետ Նիկոլ Փաշինյանը «Սոցիալական արդարության խթանումը. Աշխատանքի ապագան ներկայիս ժամանակաշրջանում» խորագրով միջազգային համաժողովում:
Փաշինյանը նաև ընդգծեց, որ սոցիալական նպաստների համակարգը «խթանում է մարդկանց աղքատության հակումը», մինչդեռ կառավարության ռազմավարության մեջ դրված է «աղքատությունը հաղթահարել աշխատանքի միջոցով» սկզբունքը:
Միևնույն ժամանակ, սոցիալական նպաստների համակարգում ՀՀ վարչապետը արձանագրեց նաև մեկ այլ ծայրահեղություն։ Առողջապահության և այլ ոլորտներում մի շարք արտոնություններ ունեցող քաղաքացիները հենց աշխատանք են գտնում, այդ արտոնություններն անմիջապես չեղարկվում են։ Նման «օպերատիվությունը» վնասում է գործին և մարդկանց հեռու է պահում աշխատելու ցանկացած ձգտումից։
Փաշինյանն ավելացրեց, որ ՀՀ իշխանությունները երկար տարիներ քննարկում են սոցիալական ապահովության ոլորտի բարեփոխումները և ինքը հույս ունի, որ դրանք ի վերջո կյանքի կկոչվեն: Նա նաև վստահեցրեց, որ ՀՀ իշխանությունը վճռական է սկսածն ավարտին հասցնելու մեջ, և Փաշինյանն ինքն իրեն պարտավորված է զգում` գնալու այդ ճանապարհով։