ԵՐԵՎԱՆ, 17 դեկտեմբերի – Sputnik. Ուկրաինայի զինված ուժերը ստացել են AQ 400 Scythe անօդաչու թռչող սարքերի առաջին խմբաքանակը։ Այս մասին հայտնում է ТАСС-ը՝ ուկրաինական ТСН հեռուստաալիքին հղումով։
Նշվում է, որ One Way Aerospace-ը ներկայումս ունի ամսական 100 միավոր AQ 400 Scythe-ի նախնական արտադրական հզորություն։ Ապագայում նախատեսվում է հզորությունը հասցնել 500 միավորի։
Այս տարվա ապրիլին «Defence News»շաբաթաթերթը հայտնել էր, որ ՆԱՏՕ-ի երկրներից մեկը հետաքրքրություն է ցուցաբերել ուկրաինական One Way Aerospace ստարտափի արտադրանքով, որը մասնագիտացած է էժան ինքնաշեն կամիկաձե անօդաչու թռչող սարքերի արտադրության մեջ։ Հաղորդվել է, որ մայիսին նախատեսվում էր One Way Aerospace-ի AQ-400 Scythe և AQV-150 Scalpel անօդաչու թռչող սարքերի ցուցադրությունը։
Այնուհետև ստարտափի ներկայացուցիչները հայտարարեցին Ուկրաինայում առնվազն հազար քառակուսի մետր տարածքով հավաքման խանութ բացելու մտադրության մասին նոր AQ-400 կամիկաձե անօդաչու թռչող սարքի արտադրությունն ավելացնելու նպատակով։ Ըստ մշակողների՝ AQ-400-ը արձակվում է կարճ թռիչքուղուց կամ կատապուլտի միջոցով: Օգտակար բեռը, որը կարող է կրել դրոնը, 32 կգ է։