ԵՐԵՎԱՆ, 16 դեկտեմբերի – Sputnik. «Վանաձոր» քրեակատարողական հիմնարկում դանակահարության դեպք է գրանցվել, 4 քաղաքացու տեղափոխել են հիվանդանոց։ Տեղեկությունը հայտնում է shamshyan.com–ը։
Ըստ կայքի` «Վանաձոր» ԲԿ–ն ժամը 14:10-ի սահմաններում ահազանգ է ստացել, որ ՔԿՀ–ում տուժած քաղաքացիներ կան։
Շտապօգնության բժիշկները Վանաձորի բանտից 1 հոգու տեղափոխել են «Վանաձոր» բժշկական կենտրոն, իսկ 3 հոգու հիվանդանոց են տեղափոխել բանտի աշխատակիցները։
Լրատվամիջոցի տեղեկություններով` միջադեպ է եղել, որի ժամանակ օգտագործվել են սուր կտրող-ծակող առարկաներ։
Այս պահին բժիշկները պայքարում են տուժածների կյանքի համար։
Կասկածյալներից մեկը Լոռու մարզի բնակիչ 28-ամյա Կարեն Փիլոյանն է, որը կասկածվում է Վանաձորի բնակիչ 39-ամյա Արման Փերիխանյանին սպանելու մեջ։