Վլադիմիր Ժիրինովսկին, որը կյանքից հեռացավ անցած տարվա գարնանը, իր փողի առյուծի բաժինը՝ 70%-ը, կտակել է Ռուսաստանի լիբերալ-դեմոկրատական կուսակցությանը, 10%-ը՝ իր հիմնադրած Համաշխարհային քաղաքակրթությունների ինստիտուտին և միայն 20%-ը թողել է երեք զավակներին։
Համենայնդեպս այդպես է պնդում Ժիրինովսկու մերձավորներից մեկը՝ Պետդումայի նախկին պատգամավոր Վասիլի Վլասովը։
Եթե հավատանք նրա տեղեկություններին, կուսակցությունը, որն առանց այն էլ ամենհարուստներից մեկն է Ռուսաստանում, կստանա եւս մոտ 2 միլիարդ ռուբլի։
Իսկ զավակներից յուրաքանչյուրին բաժին կհասնի Ժիրինովսկու կարողության 6,5-ական տոկոսը։ Նրա աղջիկը՝ Անաստասիան, հանրային դեմք չի, փոխարենը երկու որդիներն էլ մի ժամանակ ավտիվորեն զբաղվել են քաղաքականությամբ։ Իգորը 2000 թվականին, ինչպես եւ հայրը, ընտրվել է Պետդումայի պատգամավոր, բայց մի տարուց հայտարարել է, որ հաջորդ գումարման խորհրդարանի անդամ չի ցանկանում լինել։
Ասում են` լուրջ վիճել էր հոր հետ, թեև ինքն այդ լուրերը հերքում էր։ Համենայնդեպս լրագրողները կարողացել են պարզել, որ Ժիրինովսկու հուղարկավորության ժամանակ հայտնված ծաղկեպսակը, որի վրա գրված էր «Արի հաշտվենք», հենց Իգորից էր։