ԵՐԵՎԱՆ, 11 դեկտեմբերի – Sputnik. Կատարում ընթացող ծանրամարտի վարկանիշային մրցաշարում 81 կգ քաշայինների Բ խմբի մրցաշարում Լիանա Գյուրջյանը երկամարտի 213կգ արդյունքով զբաղեցրեց 4–րդ տեղը։
Մեր մարզուհին պոկում վարժությունում բարձրացրեց 90կգ կշռող ծանրաձողն ու զբաղեցրեց 6-րդ տեղը, իսկ հրում վարժությունում 123կգ արդյունքով զբաղեցրեց երրորդ տեղը։
Այսօր ավելի ուշ տղամարդկանց 96կգ քաշային կարգում պայքարի մեջ կմտնի Դավիթ Հովհաննիսյանը։
Հիշեցնենք, որ երեկ ծանրամարտի վարկանիշային մրցումներում Անդրանիկ Կարապետյանը երկամարտում 370 կգ արդյունքով զբաղեցրել է 7-րդ տեղը։
Իսկ 55 կգ քաշային Ալեքսանդրա Գրիգորյանն էլ երկամարտում ցույց է տվել 189 կգ արդյունք և դարձել է Գրան պրիի բրոնզե մեդալակիր:
Նշենք, որ Գրան պրիի շարքի մրցաշարում հանդես կգան 400 մարզիկներ աշխարհի 100 երկրից: Հայաստանի հավաքականում չորս կին է, վեց տղամարդ:
Դոհայում ընթացող ծանրամարտի Գրան Պրին կտևի մինչև դեկտեմբերի 14-ը: