Մոտ 20 տարի առաջ, երբ Իսպանիայի արքայազն Ֆիլիպը որոշեց ամուսնանալ լրագրող Լետիցիայի հետ, դրա դեմ ընդվզեց գրեթե ողջ թագավորական ընտանիքը։
Նրանց թվում էր, թե համաշխարհային աղետ է տեղի ունենալու՝ թագավորական պալատ է մտնելու մի կին, որը ծնվել է գավառական քաղաքում, հասարակ ընտանիքում, ընդունվել է ոչ թե մասնավոր, այլ պետական դպրոց, հետո 16 տարեկանում սիրահարվել է իր դասատուներից մեկին, ամուսնացել նրա հետ, բայց մեկ տարի անց բաժանվել նրանից։ Բայց ամենակարևոր հանցանքը՝ Լիտիցիան լրագրող է եղել, իսկ թագավոր Խուան Կառլոսը տանել չէր կարողանում լրագրողներին և միշտ ասում էր. «Լրագրողներին, նույնիսկ նախկին լրագրողներին, երբեք չի կարելի թույլ տալ, որ անգամ մոտենան պալատին, նրանք քանդելու են միապետությունը»։
Ծանոթ պատկեր է, չէ՞․ մեր անխտիր բոլոր նախկին նախագահներն էլ ուրույն վերաբերմունք են ունեցել մեր՝ լրագրողներիս, հանդեպ։