Ըստ Fly Arna-ի հաղորդագրության՝ վերջին մի քանի օրերի ընթացքում ավիաընկերության ամրագրման համակարգը չի գործել տեխնիկական խնդիրների պատճառով, ինչը ժամանակավոր անհարմարություններ էր ստեղծել գործընկերների և ուղևորների համար։ Տեխնիկական խնդիրներն այժմ կարգավորված են, և ավիաընկերության ավիատոմսերի համակարգը հասանելի է ամրագրումների համար, վստահեցրել են ավիաընկերությունից։
Մամուլն անցած շաբաթ գրել էր, որ ընկերությունը շուտով Հայաստանից չվերթեր չի իրականացի։ Էկոնոմիկայի նախարար Վահան Քերոբյանն էլ Sputnik Արմենիային ասել էր, որ ընկերությունը լրացուցիչ ֆինանսավորման կարիք ունի, և այդ հարցը քննարկվում է։
«Հետք» պարբերականն էլ գրել էր, որ Հայկական Fly Arna-ի կողմից շահագործվող 2 հատ «Airbus A320» ինքնաթիռներից մեկը նոյեմբերի վերջին դուրս է բերվել Հայաստանի օդանավերի ռեգիստրից ու տեղափոխվել Շարժա, այնտեղից էլ՝ Հնդկաստան:
Որքանո՞վ է Fly Arna-ն ազգային ավիափոխադրող և ի՞նչ վիճակում է հայկական քաղավիացան այսօր, Sputnik Արմենիայի հետ զրույցում այս հարցերի շուրջ իր դիտարկումներն է ներկայացրել ավիացիայի հարցերով վարչապետ Նիկոլ Փաշինյանի նախկին խորհրդական Հակոբ Ճաղարյանը։