ԵՐԵՎԱՆ, 4 դեկտեմբերի – Sputnik. Երևանի Նազարբեկյան թաղամասի թիվ 13/5 հասցեի մոտակայքում «Ford» մակնիշի ավտոմեքենա է այրվել։ Տեղեկությունը հայտնում է ՀՀ ՆԳՆ փրկարար ծառայությունը։
Ճգնաժամային կառավարման ազգային կենտրոնը հրդեհի մասին ահազանգը ստացել է ժամը 08։21-ին։
«Դեպքի վայր է մեկնել ՆԳՆ ՓԾ հրշեջ-փրկարարական ջոկատից 1 մարտական հաշվարկ: 1994 թվականին ծնված վարորդ Մ. Ս.–ն տարբեր աստիճանի այրվածքներ է ստացել։ Նա հոսպիտալացվել է բժշկական կենտրոն»,– ասված է հաղորդագրությունում:
Հրդեհը մեկուսացվել է ժամը 08:40-ին, մարվել՝ 08:42-ին: Այրվել է ավտոմեքենայի ցուցիչների վահանակը և ջերմահարվել սրահը: