_underway_in_the_Atlantic_Ocean_on_30_January_2019_(190130-N-PW716-1312).JPG){kind=link}
ԵՐԵՎԱՆ, 2 դեկտեմբերի – Sputnik. Ամերիկայի Միացյալ Նահանգները, Ավստրալիան և Մեծ Բրիտանիան հաջորդ տարի AUKUS գործընկերության շրջանակում մի շարք ծովային վարժանքներ կանցկացնեն: Ինչպես հայտնում է ՌԻԱ Նովոստին, այս մասին հայտարարել է Պենտագոնի ղեկավար Լլոյդ Օսթինը։
Նա այդ մասին խոսել է ավստրալացի և բրիտանացի գործընկերների հետ ասուլիսի ժամանակ։
«Հաջորդ տարվանից մեր երեք երկրները մի շարք համալիր եռակողմ փորձարկումներ և զորավարժություններ կանցկացնեն», - ասել է ԱՄՆ պաշտպանության նախարարը:
Հիշեցնենք` AUKUS–ը ստեղծվեց 20221 թվականին, որի շրջանակում Ավստրալիան ԱՄՆ-ի և Մեծ Բրիտանիայի հետ պայմանավորվեց օգտագործել ամերիկյան և բրիտանական տեխնոլոգիաները 20 տարի անց ավստրալական ատոմային սուզանավերի նավատորմ ստեղծելու համար։ Դրա համար Ավստրալիան հրաժարվեց Ֆրանսիայի հետ սովորական սուզանավեր կառուցելու պայմանագրից, ինչը դիվանագիտական սկանդալ առաջացրեց երկու երկրների միջև։