Ըստ հայկական կողմի՝ Փաշինյանն ու Բլինկենը քննարկել են տարածաշրջանային, ինչպես նաև երկկողմ հարաբերությունների օրակարգին առնչվող հարցեր, անդրադարձել են Հայաստան-Ադրբեջան հարաբերությունների կարգավորման գործընթացին:
Իսկ Իլհամ Ալիևի հետ հեռախոսազրույցում պետքարտուղար Բլինկենը նշել է Բաքվի հետ հարաբերություններում վերջին անհանգստացնող կետերը, ինչպես նաև խոսել համագործակցության ամրապնդման հնարավորությունների մասին, հատկապես՝ խաղաղ գործընթացի շուրջ ու բարձր մակարդակի ներգրավվածության կարևորության մասին։
Մերժելով բանակցությունների վաշինգտոնյան հարթակը՝ Բաքուն հայտարարել է, որ «Միացյալ Նահանգների միակողմանի մոտեցման հետևանքով այդ երկիրը կարող է կորցնել միջնորդի իր դերը»։ Ի վերջո, երեկվա հեռախոսազրույցում Ադրբեջանի նախագահը համաձայնել է, որ պետքարտուղարի օգնական Ջեյմս Օ’Բրայենը դեկտեմբերին այցելի Բաքու, սակայն մի պայմանով, որ Վաշինգտոնը Ադրբեջանի բարձրաստիճան պաշտոնյաների համար կվերացնի Միացյալ Նահանգներ այցելելու արգելքը։
Այդպիսով ստացվում է, որ Ադրբեջանն ու ԱՄՆ-ն վերսկսում են բարձր մակարդակի այցերը։ Տարածաշրջանային իրաղությունների և Բաքու-Վաշինգտոն մերձեցման մասին Sputnik Արմենիան զրուցել է քաղաքագետ Ալեն Ղևոնդյանի հետ։