ԵՐԵՎԱՆ, 26 նոյեմբերի – Sputnik. Արևմտյան քաղաքական գործիչները փորձում են դուրս մղել Ռուսաստանին Ղարաբաղի տարածաշրջանից, բայց ոչ ոք ի վիճակի չէ խաղաղության և կայունության երաշխավորի այնպիսի դեր խաղալ, ինչպիսին ՌԴ-ն։ ՌԻԱ Նովոստիի հաղորդմամբ՝ ասել է ՌԴ նախագահի մամուլի քարտուղար Դմիտրի Պեսկովը «Ռոսիա 1»-ի եթերում՝ «Մոսկվա. Կրեմլ. Պուտին» հաղորդման ընթացքում։
Նա շեշտել է, որ Մոսկվան շարունակում է իր ջանքերն այս ուղղությամբ։
Պեսկովին հարց է ուղղվել արևմտյան քաղաքական գործիչների հայտարարությունների մասին, որոնք իրենց խնդիրն են համարում Ղարաբաղի տարածաշրջանից ռուս խաղաղապահներին վտարելը, Ռուսաստանի և Հայաստանի կապերը խզելը:
«Դե հասկանում եք, հավանաբար, երեք, չորս, հինգ տարի առաջ նման պայքար էր մղվում դիվանագիտական դիմակներներով։ Հիմա այդ դիմակները վաղուց արդեն մի կողմ են նետված, և պայքարն ուղիղ ճակատով է մղվում՝ առանց երկմտելու։ Իրոք, մի շարք երկրներ նախկինի պես փորձում են ապակայունացնել իրավիճակը Ղարաբաղի շուրջ, ինչն, ի դեպ, հանգեցրել է նրան, որ ադրբեջանական կողմը պաշտոնապես հայտարարել է, որ այդ մի շարք երկրներ արդեն հազիվ թե կարող են հավակնել միջնորդի դերի, քանի որ միակողմանի են դիրքավորվել»,- ասել Է Պեսկովը։
ՌԴ նախագահի մամուլի քարտուղարը շեշտել է, որ նման միակողմանի դիրքորոշում որդեգրելով՝ ինչ-որ բանի հավակնելն անտեղի է։