ԵՐԵՎԱՆ, 24 նոյեմբերի – Sputnik. Հայաստանի և Բելառուսի արտգործնախարարներ Արարատ Միրզոյանն ու Սերգեյ Ալեյնիկը հեռախոսազրույցում քննարկել են Մինսկում կայացած ՀԱՊԿ գագաթնաժողովի արդյունքները։ Տեղեկությունը հայտնում է Բելառուսի ԱԳՆ մամուլի ծառայությունը։
Ալեյնիկը տեղեկացրել է հայ գործընկերոջը Մինսկում կայացած Հավաքական անվտանգության պայմանագրի կազմակերպության գծով միջոցառումների արդյունքների և Հավաքական անվտանգության խորհրդի ընդունած որոշումների մասին:
Նախարարները քննարկել են տարածաշրջանում տիրող իրավիճակը, երկկողմ օրակարգի արդիական հարցեր։
Զրուցակիցները պայմանավորվել են պահպանել փոխգործակցությունը ինչպես երկկողմ ձևաչափով, այնպես էլ ինտեգրացիոն միավորումների շրջանակում: