Երևանի Ներքին Շենգավիթ թաղամասում տուն է այրվել

ԵՐԵՎԱՆ, 24 նոյեմբերի - Sputnik. Այսօր ժամը 17։26-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Ներքին Շենգավիթ 11-րդ փողոցի տներից մեկում։

Տեղեկությունը հայտնում են ՀՀ ՆԳՆ փրկարար ծառայությունից։

Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ և Բժշկական ապահովման վարչության հերթապահ խմբերը։

Հրդեհը մեկուսացվել է ժամը 18։24-ին, մարվել՝ 19։01-ին։ Այրվել են տունը (մոտ 120 քմ) և կից խորդանոցը (մոտ 8 քմ)։