ԵՐԵՎԱՆ, 17 նոյեմբերի — Sputnik. Մոսկվան Բրիտանիայի ԱԳ նախարարի պաշտոնում Դևիդ Քեմերոնի հաստատվելուց դրական փոփոխություններ չի սպասում Լոնդոնի հետ քաղաքական երկխոսության համար, ՌԻԱ Նովոստիին հայտնել են ՌԴ ԱԳՆ-ից:
Մեծ Բրիտանիայի նախկին վարչապետ, պահպանողական Քեմերոնն այս շաբաթվա սկզբին նշանակվել է Միացյալ Թագավորության արտաքին գործերի նախարար: Վարչապետի պաշտոնը նա զբաղեցրել է 2010-2016 թվականներին։ 2016 թվականին, ԵՄ-ից երկրի դուրս գալու հարցով անհաջող հանրաքվեից հետո, Քեմերոնը հրաժարվեց խորհրդարանականի լիազորություններից և, ինչպես այն ժամանակ հայտարարվեց, հեռացավ քաղաքականությունից:
«Ելնում ենք նրանից, որ Քեմերոնի նշանակումը որպես ԱԳՆ ղեկավար ոչ մի կերպ չի անդրադառնա Ռուսաստանի հետ հարաբերություններում բրիտանական պահպանողականների կառավարության մոտեցումների վրա»,-ասել են ՌԴ ԱԳՆ-ում:
Նախարարությունում նշել են, որ նոր արտգործնախարարի առաջին արտահայտությունները լիովին հաստատում են նրա հավատարմությունը «երկկողմ գործերում ապակառուցողական գծի, հետագայում ևս էսկալացիայի ճանապարհով ընթանալու և միջազգային լարվածության աճին նպաստելու Լոնդոնի մտադրությանը»:
Նախարարությունում նշել են, որ նոր արտգործնախարարի առաջին արտահայտությունները լիովին հաստատում են նրա հավատարմությունը «երկկողմ գործերում ապակառուցողական գծի, հետագայում ևս էսկալացիայի ճանապարհով ընթանալու և միջազգային լարվածության աճին նպաստելու Լոնդոնի մտադրությանը»:
ԱԳՆ-ում նշել են, որ ռուս-բրիտանական քաղաքական երկխոսության և Լոնդոնի գործնական գործողությունների մեջ դրական փոփոխություններ ակնկալել պետք չէ:
Ավելի վաղ ուկրաինական լրատվամիջոցները հայտնել էին, որ Քեմերոնը ժամանել է Ուկրաինա և Կիևում հանդիպել է Վլադիմիր Զելենսկու հետ: Ավելի ուշ Բրիտանիայի ԱԳՆ ղեկավարը հանդիպում է ունեցել իր ուկրաինացի գործընկեր Դմիտրի Կուլեբայի և Ուկրաինայի վարչապետ Դենիս Շմիգալի հետ:
Ավելի վաղ ուկրաինական լրատվամիջոցները հայտնել էին, որ Քեմերոնը ժամանել է Ուկրաինա և Կիևում հանդիպել է Վլադիմիր Զելենսկու հետ: Ավելի ուշ Բրիտանիայի ԱԳՆ ղեկավարը հանդիպում է ունեցել իր ուկրաինացի գործընկեր Դմիտրի Կուլեբայի և Ուկրաինայի վարչապետ Դենիս Շմիգալի հետ: